IZEN EMATEA, ERRESERBATZEA, ORDAINKETA
Eskolako ostalaritza
Badira zenbait urte Baionako Hiria eskolako ostalaritza zerbitzuaren kalitatezko hobekuntza baten urratsean engaiatu dela. Zuen haurrei proposatutako janariaren kalitatea hobetzeak garapen iraunkorraren arloko helburu handiak ditu oinarri.
2022an eskoletako jantegietako menuen merkatua berritzeari esker, gure planteamendua indartzeko hainbat neurri hartu dira.
- Animalia-haragirik eta arrain-haragirik gabeko menu begetarianoa, astean behin proposatzen den eguneroko ekartze protidikoa bermatzen duena.
- Produktu ekologikoen eta zirkuito laburretako produktuen 50eko gutxieneko tasa (ekoizlearen eta hautagaiaren arteko gehienezko bitartekaria) eta 2024rako urtean 10eko kuota handitzeko helburua.
- Ontzi berreralbigarriak (bisfenolik gabeak) lehenestea, erretilu bidegradarriak edo birziklagarriak erabiltzea (haurren adinra egokitutako gramajeak proposatzea, 2 eta 5 urte bitarteko eta 6 eta 10 urte bitarteko haurren gramajeak bereiztea).
- Banakako ontzien kopurua murriztu eta bereziki desertarako erabiltzen diren banakako erretilu kopurua murriztu.
- Elikadura osasuntsua, orekatua, anitza, kalitatezkoa, bakoitzaren beharretara egokitua, osasuna, garapena eta gizabanakoaren ongi izatearen zaintzeko (gusturako hezkuntza eta elikadura praktika onen sentsibilizazioa).
Langileen formakuntza segituz doa, haiek berek haurrak ingurumena errespetatzen duen hazkurri anitzari sentsibiliza ditzaten.
Eguerdiko atsedenaldiaren antolaketa berriz pentsatua izan da, langileak haurrengandik ahal bezain hurbil izan daitezen bazkari denboran.
Astelehen, astearte, ostegun eta ostiraletan ibiltzen da, 12:00tik 14:00etara. Eole interes kolektiboko sozietate kooperatiboari esleitua izan zaio ama eskolako eta lehen mailako jantegien apairuen hornitzea. Apairu horiek, hotzak banatuak, hazkurri kalitate, osasunbide eta segurtasun arloko betebeharrei erantzuten diete.
Arreta berezia emana zaie eskaera bereziei.
Banako harrera proiektua (BHaP) plantan ezarria da eritasun kroniko bat, alergia edo janari intolerentzia bat duten haurrei. BHaPak eskolaldi normal bat segitzeko bidea eman behar du edo kolektiboki errezibitua izateko bidea. Horrela, haurrek tratamendua edo jan-molde berezia segi dezakete, eta haien osasun egoerari lotutako eragozpenak konpentsatu.
Gurasoek behar diote eskolako zuzendariari aipatu haurra onartua den momentuan. Eskolako zuzendariak eskolako medikuari jakinaraziko dio, azken honek BHaPa plantan ezartzea bideratzen eta kudeatzen baitu eskolako eta eskolaldi inguruko denboretan.
Egutegia
Uztailean
Eskolan sartu aitzin, gurasoak Eole sozietatearen dietalariarekin harremanetan sartzen dira. BHaPa plantan ezarria edo berriztatua izan arte, hilabete bat baino gutiagoko alergologo baten agiria aurkezten dute.
Irailean
Gurasoek BHaParen ale bat errezibitzen dute eta Eole sozietatearen dietalariari ematen diote.
Ikasturtearen denboran adierazitako eskaera guziek prozedura berdinari jarraikiko diote eta, nahitaez, BHaP baten plantan ezartzea sortuko dute, eskaera egin eta hilabete baten epean gehienez.
Eskolako jantegian izena ematea behin egiten da eta automatikoki berriztatua da ondoko urteetan. Aldiz, izen emate honek ez du apairuen erreserbatzea segurtatzen. Gurasoek, nahitaez, Familien Gunearen bitartez bideratu behar dute urrats hori (familia gunera sartzeko eta bazkariak erreserbatzeko prozedura).
Txostenak eguneratzeko gisan, gurasoak Hezkuntza zerbitzuari edozein aldaketa jakinaraztea gomitatuak dira, telefonoz deituz edo Familien Gunearen bidez, Baionako hezkuntza-ekintzaren atarian.
Erreserbak egin daitezke urteko, hilabeteko edo asteko egutegi batean, betiere aldaketak ekar daitezkeela eta. Erreserbatzeko epea 72 ordukoa da. 72 ordu baino gutiagorekin erreserbatutako apairuaren prezioa goratua izanen da. Ordutegi bereziak, aldakorrak eta hertsagarriak dituzten gurasoen egoera kontutan hartua izanen da, izena ematen dutelarik, urtean behin, frogagiri bat aurkeztua izanen delakoan.
Zure haurrak jantegian jan dezan nahi baldin baduzu:
- astelehenetan > apairua aitzineko astearteko gauerdia baino lehen erreserbatu behar da
- astearteetan > apairua aitzineko asteazkeneko gauerdia baino lehen erreserbatu behar da
- ostegunetan > apairua aitzineko igandeko gauerdia baino lehen erreserbatu behar da
- ostiraletan > apairua aitzineko asteleheneko gauerdia baino lehen erreserbatu behar da
Erreserbatzeak eta aldaketak egin daitezke:
- Familien Gunean, apairuaren egunean 9:00ak arte
- GIBaren ziber-basean
- Herriko Gune Soziokulturalaren ziber-basean
- Cassin Harrera Lekuko leihatila bakarrean diren segurtasunezko zerbitzuetan, Bernède karrika, 3.
Astelehenetan, asteazkenetan eta ostiraletan 9:00etatik 12:00tara
Sei prezio aplikatzen dira FaLKeko familia-kozientearen tarteen arabera, logika sozial bati erantzuteko gisan.
Baionan bizi diren familiek eta apalduz doan prezio bat ukan dezaketenek, izena ematean, ondoko datuak eman behar dituzte:
- FalKeko hartzaile zenbakia,
- Ordainagiria eta MSA mutualitateko familia-kozientea, MSA hartzaile diren familientzat,
- Azken zerga agiria, FaLK edo MSA hartzaileak ez diren familientzat.
Familia-kozientea eskolako sartze bakoitzean eguneratua da.
Baionatik kanpo bizi diren familiei prezio gorena aplikatuko zaie, salbu ondoko kasuetan, biztanle baionar parekoak, frogagiri bat aurkezten den baldintzarekin:
- CHAn eskolatutako haurrak (BABen bizi)
- CLIS edo SESSADen eskolatutako haurrak
Kategoriak | Familia-kozientea eurotan | Prezioa eurotan / apairu bakoitz |
| 1 | 0 - 404 | 0,44 |
|---|---|---|
| 2 | 405 - 550 | 1,75 |
| 3 | 551 - 775 | 3,48 |
| 4 | 776 - 1 000 | 4,06 |
| 5 | 1 001 - 1 650 | 4,65 |
| 6 | 1 650etik gora edo jakinarazi gabeko baliabideak edo beste herri batean bizi den haurra | 5,50 |
| 7 | Baionako haur ez egoiliarra | 6 |
Hilabeteko faktura bat zuzendua zaie familiei, ondoko hilabete hastapenean, eskatutako apairu kopuruan eta prezio-aplikatzean oinarritua. Apairuen erreserbatzearengatik, egin daitezkeen kentze bakarrak dira eritasuna gertatuz, mediku-agiria aurkeztuz berantenik apairua huts egin eta hilabete bat berantago.
Faktura hori errezibitu eta 10 egunen barne ordaindu beharko da, ondoko ordainbideen bidez:
- linean, zure Familien Gunean
- txekez, administrazioaren ordenari, Baionako Herriko Etxeari bidalia - Eskolaldi inguruko zerbitzuen Konpainia BP 4 - 64109 Baiona Cedex;
- hartze automatikoa (inprimakia deskargatu hemen klik eginez);
- Esku diruz edo txartelez Herriko Etxean, eskolaldi inguruko konpainiaren leihatilan.
Leihatila bakarreko harreraren ordutegia, Cassin Harrera Lekua (Bernède karrika, 3.):
- Astelehenetan, asteazkentan eta ostiraletan 9:00etatik 12:00tara
Hiriak plantan ezarri duen ostalaritza zerbitzua baliatzen duten Baionako eskola pribatuak: Sainte-Agnès, Saint-Paul, Sainte-Marguerite, Notre-Dame, Polo Ikastola eta Oihana Ikastola