EUSKALTZAINDIA: BAIONAN EUSKARAREN SUSTATZEN

Euskaltzaindia

Euskaltzaindiak egoitza Bilbon du, eta Baionan adar bat du, Ipar Euskal Herriari dagozkion lanen kudeatzeko. Baionako hiriak, hitzarmen berezi baten bitartez, Euskaltzaindia bere jardueretan laguntzen du.

Euskaltzaindia 1918an sortu zen. Euskararen defenditzeko erakunde akademiko ofiziala da. Euskarari buruzko ikerketa lanak egiten ditu, eta gramatika arauak finkatzen. Euskararen sustapenaz eta eskubideez ere arduratzen da.

Euskaltzaindia, erakunde ofiziala

Euskaltzaindiak Espainian errege-akademia ezagutza du (1976); Frantzian, aldiz, onura publikoarena (1995). Ipar Euskal Herriko herritarren ezagupen soziala ere badu. Horiei guziei esker, jarduera normatibo azkarra izan du, eta lan horren ondorioz, euskara euskal gizartean estandarizatu eta modernizatu da, bereziki 1968tik goiti.

Euskaltzaindia : https://www.euskaltzaindia.eus