ZURE HAURRAREN HARRERA BAIONAN

Aitzinetikako izen ematea: erabilbidea

Zure haurrarentzat harrera mota bat hautatzea urrats garrantzitsu bat delako, haur ttipien bitartekaritza gune bakarrak argibideak zabaltzeko eta aitzinetitako izen emate urraspidean laguntzeko leku bat proposatzen dizu.

1. Aitzinetitako izen emate txostena eskura edo deskarga ezazu

Aitzinetitako izen emate txostena eskura dezakezu haur ttipien bitartekaritza gune bakarrera joanez edo hemen klikatuz.

Harrera mota desberdinen aurkezpen orriak ere kontsulta ditzakezu:

-banakakoak (haurtzainak familia-haurtzaindegietan edo berezko haurtzaindegietan) 
-kolektiboak (haurtzaindegiak eta mikro-haurtzaindegiak)

2. Haur ttipien bitartekaritza gune bakarreko animatzailearekin hitzordua har ezazu

Lehen argibide horiez gain, bitartekaritza gune bakarreko animatzailearekin baitezpadako hitzordu batek ekarriko dizkizu harrera motei buruzko menturazko galderei erantzunak: zenbat kostatuko zait? Dudan ohiz kanpoko ordutegiari begira, zer harrera mota hautatu?

3. Aitzinetikako izen ematea burutu ezazu

Argibide guziak eskuratu eta:

Aitzinetikako izen ematea hitzorduaren denboran burutuko duzu

Edo gogoeta denbora bat hartuko duzu. Egitura batzuekin harremanetan sar zaitezke (animatzaileak zerrenda emanen dizu) argibide gehiago ukaiteko edota harrera lekua bisitatzeko.
Zure txostena osaturik, haur ttipien bitartekaritza gune bakarrera ekarri beharko duzu edo mezu elektronikoz bidali beharko duzu ondoko helbidera: relais.unique.petite.enfance[@]bayonne.fr