Mendean hartu finantza ibilbidea
Abian ezarri buxeta
Finantza kudeaketa zorrotz bati esker, Baiona Hiriak aurrekontu sendotasun nabarmena erakusten du, bere engaiamenduen atxikitzea eta inbertsio proiektuen segitzea bermatzeko.
Baiona Hiria finantza estrategia arduratsuan oinarritzen da, finantza ibilbide iraunkor bat bermatuz:
- Autofinantzamendu gordin sendo bat, kasik 9 M €-tara heltzen dena 2025eko aurrekontu primitibora, bere inbertsioak finantzatzeko.
- Zorpetze kontrolatua, zorpetzera mugatua eta zorra barne, hiriko zorraren kudeaketa arduratsua segurtatuz.
- Zorra murrizteko gaitasun kontrolpean, Finantza Publikoen Programazio Legeak ezarritako zaintza eta alerta muga (hurrenez hurren 10 eta 12 urte) baino askoz tikiagoa.
Hiriak kudeaketa zorrotza segitzen du bere funtzionamendu gastuak kontrolatzeko eta, aldi berean, zerbitzu publikoaren kalitatea zaintzeko. Baliabideen optimizazioak eta kostuen arrazionalizazioak aurrekontu orekatua bermatzen dute.
Paraleloki, Estatu, Eskualde eta Europar Batasunetik kanpoko finantzaketen bilaketa aktibo batek hiriko egitasmoen laguntzea ahalbidetzen du.
Kolektibitateak defizit publikoaren erantzule ez diren bitartean, haien aurrekontua bozkatua eta orekan egina baita, 2025ean deituak dira bere murrizketa finantzatzera. Baiona Hiriari dagokionez, 1,6 M €ko ekarpena galdegina zaio.
Hau dela eta, lehenago aipatutako egoera finantzario osasuntsuak eta bere aurrekontuaren kudeaketa zorrotzak ekarpen hau ordaintzea ahalbidetzen dute 2025ean tokiko zergak handitu gabe. Ondasun higiezinen gaineko zergaren eta bizitegien gaineko zergaren tasak ez dira emendatuko 2025ean Baionan.
Baiona Hiriak inbertsio programa egituratu bat bozkatu du, progrrama baimenetan zehaztua, iraupenari buruzko lorpenak bermatuz. Auzotegi bakoitzak, horrela, biztanleen egunerokoa hobetzeko pentsatuak diren antolamenduak ditu:
Mediateka eta Gaskoien plaza; Zezen-plazaren birgaitzea; Malégarie eta Citadelle eskolen modernizazioa; Ansot-eko lautadaren eta Urtasun baserriaren garapena; mikro-haurtzaindegi baten sorkuntza Polon; Prissé-ko bero sarea energia berdeago baten alde; Tram’bus-ari lotutako azpiegiturak, bideak eta espazio publikoak; haurrendako jolas eremu berriak. Inbertsioak iraupen luzerako egiten dira, Bainako hiritarren zerbitzura lurraldearen transformazio progresibo eta iraunkorra bermatuz.
2025ean, 14 milioi euro baino gehiago inbertituko dira auzoetan, arreta berezia ezarriz erdigune zaharreko etxebizitzen errehabilitazioan, ekipamendu publikoen mantentzean eta bizitegiko ingurunea hobetzean. Baionak, hiri atsegina, iraunkorra eta guzientzat eskuragarri izateko konpromisoa mantentzen du.