Ekonomia
Eusko Eguna, tokiko moneta ospatzeko
Data honetan argitaratua
Urtero bezala, Eusko Eguna federazio eguna izanen da, topaketa eta trukeetan aberatsa. 10 :00etatik goiti, baserriko eta artisau merkatua zeharkatzeko, ganer-husteko salmentan aritzeko, elkarteko herrixka ezagutzeko eta haur zein helduentzat egokitutako hainbat jarduera eta animazioetan parte hartzeko parada izanen da. Haurrentzat leku berezi bat izanen da: pista jokoak, « escape street », asto bizkarreko ibilaldiak, kermeza-jokoak, futbolin erraldoia, harrapari askatzea, etab.
Eta tokiko monetak giltzarri balira hiritarrengandik hurblago eta konprometituagoak diren ekintza publikoetarako? Euskoa Biarritzeko hiri-zerbitzuetan egindako hedapenagatik eta Bordeleko Elikagaien Gizarte Segurantzaren esperientzia berritzailetik abiatuta, La Gemme tokiko monetann oinarrituz, 11:00etako hitzaldiko parte hartzaileak tokiko monetek beren lurraldea modu positiboan eraldatzeko duten potentzialaz interesatuko dira.
Janari aldetik, orain arte ospetsua den den « Brunch baserritarra », tokiko produktuekin prestaturik eta Herrian Kantuz-ek animaturik, berriz bere arrakastaren biktima izanen ote da? Ez galdu beharrekoa: arratsaldeko animazio kulturalak, Gurashow-en kontzertu batekin eta Neskena taldeak proposatutako Badoa dantza ikusgarriarekin. Azkenik, Mutxi’kool-ek kontzertu gauarekin trantsizioa eginen du.
Edizio honek gainditutako norabide berri bat da, eguneko egitaraua gau paregabe batekin aberasten da: Gatibu, urte bukaerarako bananduko dela iragarri duen taldea, izanen da Eusko Egunaren kartelburua! Gernikako bandarekin batera, Xiberoots-eko zuberotarrak ariko dira beren azken diskoa aurkezten, eta DJ Üzkülüz, besta ederki bukatzeko!
10 eusko / € aurresalmentak erritmo onean iragaiten dira, merkatu estaliaren azpian jendetza ederra iragarriz. Informazio garantzitsua itzulera seguruetarako : anezka batzuek doan eramanen dute publikoa inguruko herri eta hirietara, eta akanpaleku bat instalatua izanen da Napurrak-en gelan gaua luzatuko duten ausartentzat.
> Kontzertuen programazio osoa eta aurresalmentak: euskalmoneta.org