Sarrera deskonplexu baterako

"Artezalea etorriko da", azaldu du gazteak. Bilduma bikainak ikustera etorriko da. Aldiz, museoa ez duena bere radarrean  erakartzeko, lan zehatz bat aurreikustekoa da". Lan hori, Barthelemy Etchegoyenek irudikatu du, metodikoki orraztua. Emozioa sortzean datza. Hori izanen da lehen pausoa. Nola? "Shock ikusgarria sortuz", erantzun du. Hori, museora sartu orduko, patioan atseden hartzera, lagunekin zerbait hartzera edo kafetxean entsalada bat krokatzera etorri eta gero...".

Edozein bisitaria egina den lan zoragarri batek erakarriko du orduan: 1638an Jusepe de Ribera-k egindako "Una mujer desesperada"-ren aurpegi atsekabetua, 1891n Léon Bonnat-ek handitutako "La comtesse Cahen d'Anvers"-ren tamaina errealeko erretratua eta egile beraren "Le Job" edo bere apaindura ederrenetan aurkeztua. Ohartarazi gabeko publiko hori, hala, museora itzuliko da, ez interes intelektualagatik, baizik eta plazeragatik, lekuek erakarrita, hirigunean deskubritzeko ongizate eta bizikidetzarako gune bat, eta, ondotik, lehen koadro handi baten estetikak hunkiturik.

Estrategiak aitzinera segitzen du. Bitartekaritzak plazera iraunaraziko du. Haurrendako, berriz, kartelek marrazkian hartuko dituzte lan nagusien interesguneak, seniorrek audio-gida batekin (adin tarte horretako euskarri oso estimatua) eginen dute bisita, eta iraupen aldakorreko ibilbideak eskainiko dituzte, bakoitzarentzat koherentzia batekin: ordu erdiko bisita, ordubete edo ordu eta hogeita hamar...

"Begiradaren eskola honek, beraz, bigarren fase batean esku hartuko du, ikuspegi emozional eta afektiboaren ondoren, artearen historialariaren atzetik". Aldaketa ttipi bat gertatuko da bisitariaren buruan, eta, zalantzarik gabe, itzultzera eramanen du...