Mini-oihanaren landaketa gisa natural batez garatuko diren espezie anitzetako zuhaitz-kimu gazte-gazteen landatzearekin hasten da, menturazkoan lurrean emanak. © Baiona Hiria - Trajectoires 

Ingurumena

Lehen hiriko mini-oihanaren landatzea San Bernat auzotegian

Ondare arbolatsuaren garapen egitasmoaren barnean, Baiona Hiriak ondoko bost urteetan 500 m²-ko 5 mini-oihan landatzearen engaiamendua hartu du, helburu nagusiak honakoak izanik: izadiaren lekua hirian azkartzea, freskotasun guneak bermatzea edo sortzea, eta bioaniztasun sortzaile diren guneak finkatzea.

Data honetan argitaratua

Lehenbiziko basoa San Bernat Banka etorbidean da, Akira Miyawaki botanikariren metodoaren arabera landatua, 1.200 zuhaitz-kimu dituena. Metodo horren interes nagusia hiri-basoetako gune ttipi horiek arras laster hazten laguntzea da. Hala, baso-zuhaitz biziki gazte eta ttipiak dentsitate handiarekin (3 ale metro karratuko) eta hausaz landatu dira, nonbait han tenis-zelai baten izariko espazio mugatuan. Tokiko barietateak eta lehorteari ihardukitzaileak lehenetsi dira. Hiru urteren buruan, landareak hautespen natural pean ezarriko dira eta berehala garatuko dira.

Mantentze-planak zuhaitzen hazkundearen bilakaeraren segimendua egitea eta gunea garbitzen jarraitzea aitzinetik ikusten du. Baina batez ere, natura egiten uztea da printzipioa!

Landaketa lanak martxoaren 17an hasi ziren eta asteburu honetan bururatzea igurikatua da.

Irudia handitu (modu-leihoa)
Jean-René Etchegaray, Baionako auzapeza, eta hiriko hautetsiak San Bernaten ziren lehen hiriko mini-oihana landatu zutelarik. © Baiona Hiria - Trajectoires

Baiona Hiriaren Ondare zuhaintsuaren gidalerroak 

Ondare zuhaintsuaren Eskema nagusia 2020an sortu da: molde iraunkorrean denen segurtasuna bermatzen du urte guziez 5 000 zuhaitzen kontrolaren eta ikerketaren bidez. Zuhaitzen multzoaren berritze eta garapen plana dauka ere, helburua parkeetan, loretegietan eta espaloietan erroldatu 13 000 apainketa zuhaitzetatik 16 000ra pasatzea da hemendik 2026 gabe. Eremu publikoan lan egiten duten enpresei zuzendu  zuhaitzaren Ituna idaztea ere aurreikusten du.