Kultura
Points de vue festibala: Bonnat-Helleu museoak babestutako edizio bat
Data honetan argitaratua
Baionan bereziki, festibalak elkarrizketa bat proposatuko du Bonnat-Helleu museoko bildumen eta aurreko edizioetako lanen artean, galdera hau eginez: hiri-artea, aire zabalean den museoa ote da? C215 estenplategilea, 2017ko lehen edizioan ere parte hartu zuena, zazpi mural eginen ditu Baiona Ttipian, Léon Bonnaten erretratuetan inspiraturik, hala nola Victor Hugorenean. Beste artista batzuek iraganaren, orainaren eta etorkizunaren arteko lotura aztertuko dute: Refreshink-ek, mosaiko klasikoa eta gaur egungo graffitia uztartzen dituenak; Mioshe-k, gizakiaren, hirigintzaren eta naturaren arteko harremana marrazten duenak; eta Nadège Dauvergne-k, hiri-ingurunean fauna basatiaren lekua lantzen duenak, Bonnat-Helleu museoko bildumak biziaraziko dituzte espazio publikoan.
Eraikin barnealdeak instalazio monumentalekin espazio iragankor eta murgiltzaile bihurtzen dituen Penique Production-ek, mundu surrealista eta zoragarri bat proposatzen duen Monkeybird-ek, eta neon malguekin kale-artea berrasmatzen duen Spidertag-ek, artelanen desagerpena landuko dute “ikerketa-ekintza” guneetan.
Sormen artistikoez gain, publikoak artistekin topo egiteko parada izanen du tailerretan, bisita gidatuetan eta Kaxu galeriak animatutako une festiboetan. Festibalak, horrela, truke eta gogoetarako gune gisa sendotzen du bere burua: zer gorde, zer transmititu, zer desagertzen utzi?