Biek optikari parea egiten dute

Optikarien begilagunak, hau da, ez seriekoak baina neurriz gainekoak baizik. Hurbiletik begiratuta, lanbidea oso eskasa da, Pariseraino joan behar da baliokidea aurkitzeko.

Edo Baionan gelditu, udaz geroztik Baiona Txikia auzoan instalatuak diren Julien eta Freddy ezagutu.

Haurtzarotik betaurrekoen zale amorratua da Julien, ez daki zergatik, baina lanbideak erakarrtzen du, lanbide honetara heltzeko cursus osoa segitu du, CAP delakotik hasita BTS oktikaraino Oscar Estevesekin ( Frantziako langilerik hoberena 2015ean) haren ikaskuntza sakondu aurretik.

Freddyk Juran egin zuen Frantziako langile onenen eskola, profil zientifikoari atxikia, eta Pascal Lacottek formatu zuen. Amorratua da. Perfekzionistaren estereotipoa.

Ongi ikusi

Sare sozialen bidez elkar ezagutu dira eta ongi ulertu dira. Beren sorkuntzei ikusgarritasun haundiagoa ematea erabaki zuten, Bourgneuf karrikan, L’Atelier Tresallet irekiz. Denda pentsatua izan da interesa pizteko, begiradak beren bildumarat zuzentzeko eta beren artesau lana preziatzeko, tailerra dendaren gibelaldean kokatua delarik, leiho zabal baten gibelean. Hemen, bildumaren modeloak neurriz kanpokoak direla erraten da, bezeroaren aurpegira egokitzen direnak, bere neurrira eta bere morfologiaren arabera eginak. « Egia erran, ez dugu inolako prozedurarik aurpegi bati armazoia proposatzeko », azaltzen du Freddyk. Bixtan da, proportzio arau batzuk ezagutu eta errespetatu behar dira, gure solaskidearen psikologia jakin bat hauteman behar da, haren usadioak ezagutu behar dira. Gaineratekoa feeling-a da. Gure helburua armazoia daramanaren nortasunari egokitzea da, zein sublimeatu edo goratu.. » Armazoia beiraren kalitatearekin konbinatzean, Julienek eta Freddyk miopia handiak ahaztaraztea ere lortzen dute, baita harekin usu lotzen diren lenteen lodiera ere.