Baionako Urdaiazpikoaren AGBren 25 urteak

Baionako urdaiazpikoak Adierazpen Geografiko Babestuaren onurak jasotzen ditu 1998az geroztik, baldintza-orri zorrotz bati erantzuten baitio. Lehenik eta behin, hertsiki mugaturiko eremu geografiko baten bihotzean egina da: Aturri arroa, Pirinio Atlantikoetako departamenduak eta Landesetako, Gerseko eta Pirinio Garaietako kantonamendu mugakideek osatua. Hemen, Ozeano Atlantikoaren eta Pirinioen artean baldintza apartak aurkitzen dira Baionako urdaiazpikoaren ekoizteko. Baionako urdaiazpikoa egiteko zerriak, berriz, Frantziako Hego Mendebaldeko 22 departamenduetan, Akitania Berriak, Okzitania eta Kantal eskualdeek osatzen duten eremuan hil eta zatitzen dituzte.

Ekoizleak eta gazitzaileak Roland-Barthes zabalgunean bilduak

Baionako urdaiazpikoa milaka urteko jakinduria bati dagokio; Erdi Arotik dago hori ohoratzen duen feria, 2023koa bere 560. edizioari dagokio. Eskualdeko hamazazpi gazitzailek Roland-Barthes gunean egonen den karparen azpian jendea errezibituko dute, beren urdaiazpiko etiketatuak eta estanpatuak aurkeztu eta dastarazteko. Gastronomiaren aurkikuntza osatzeko, bertako hogei ekoizle inguruk baserriko eta artisau produktuak proposatuko dituzte, hala nola: gasna, ahate kontserbak, eztia, euskal bixkotxa, txipiroiak… bertan dastatzeko edo eramateko.

Pirinio Atlantikoetako Laborantza Ganbararekin partaidetzan, abereen Etxaldea ere bertan ezarriko da. Ostalaritza eremuak, karpa barnean, herritarrei ongi-etorria eginen die egunero 9:30etik 19:00etara. Horri esker, ostalariak (Maison Aubard) eskaintza dibertsifikatuagoa proposatzen ahalko du, ohiko menuaz gain, plater konbinatuak proposatuz. Ostalaritzako karpa ostegunetik igandera 09:30etik 16:00etara egonen da zabalik.