Ekainaren 26ko goizean, hiriko zerbitzuek ekoiztutko landare-edukiontzi handiak ezarriak izan dira Carreau des Halles-ean.
© Mathieu Prat 

Auzotegien bizia

Merkatuko Carreau des Halles gunea landare altzariz hornitua

Carreau des Halles-en oinezkoentzako bideratzearen baitan, merkatuko plazan karrika-altzari berriak instalatuak izan dira, landare berdeak barne. 18 moduluz osatua, hauetarik 17 loreontzi-euskarri direlarik, paisai ekipamendu hori herriko zerbitzuek dute osoki diseinatu.

Data honetan argitaratua

Irudia handitu (modu-leihoa)
Moduluek zurezko eserleku bat ere eskaintzen dute, ongi etorria dena jende asko ibiltzen den leku honetara © Mathieu Prat
Irudia handitu (modu-leihoa)
Landare jangarriek larunbat goizeko merkatuaren eta ekoizleen merkatuaren presentzia oroitarazten dute l © Mathieu Prat

Horrela, ekainaren 26an, astelehena, goizez, 18 modulu instalatuak izan dira, esertzeko eta atseden hartzeko gune atsegin bat sortuz bizi-ingurunea hobetzeko asmoz. Bertan haziko dira zuhaitzak, baita landare jangarri eta apingarriak ere.

Landare paletaren hautaketari buruzko hausnarketa berezia eramana izan da, ekoizleen merkatua larunbatero hartzen den leku horretan ahalik eta hobekien integratzeko. Salbia, mihilua, erromeroa, ezkaia, tipulina, izpilikua, berbena eta oreganoa bezalako landareak hautauak izan dira.

Zuhaitzak lehortearekiko erresistentziagatik hautatuak izan dira, ureztatzea mugatzeko, baita beren ohitura eta forma nabarmenagatik ere: Lagerstroemia indica bat, zeinaren loreak eta egurrak kolore arraroak eskainiko dituena, astigarra burgeranium bat, neguan miresgarriak diren azala puntu zuri txikiekin, edo Camelia piramidal Touron bat, hosto berde ilunekoa eta loratze arrosa ederrekoa. Hosto berde ilun iraunkorra duen osmanthus multzo batek ere lore zuri usaintsu ederra emanen du uda erdian. Zuhaitzak kakao-plizadura baten gainean landatzen dira, sastraken agerpena eta ureztatze maiztasunak murrizten dituena eta lurra modu naturalean ongarritzen duena.